Сасықкөл (көл, Алматы, Шығыс Қазақстан облыстары)
| Сасықкөл | |
| Морфометрия | |
|---|---|
| Өлшемі | 49,6 × 19,8 км |
| Ауданы | 736 км² |
| Көлемі | 2,43 млрд. км³ |
| Жағалау сызығының ұзындығы | 182 км |
| Тереңдігі | 4,7 м |
| Орташа тереңдігі | 3,32 м |
| Су алабы | |
| Құятын өзендер | Тентек, Қаракөл, Ай |
| Орналасуы | |
| 46°34′21″ с. е. 80°54′55″ ш. б. / 46.57250° с. е. 80.91528° ш. б. (G) (O) (Я)Координаттар: 46°34′21″ с. е. 80°54′55″ ш. б. / 46.57250° с. е. 80.91528° ш. б. (G) (O) (Я) | |
| Ел |  Қазақстан |
| Аймақтар | Алматы облысы, Шығыс Қазақстан облысы |
| Аудандар | Алакөл ауданы, Үржар ауданы |
Сасықкөл — Алакөл қазаншұңқырының солтүстік-батыс жағында орналасқан көл.
Географиялық орны[өңдеу]
Алматы облысы Алакөл ауданы мен Шығыс Қазақстан облысы Үржар ауданы жерінде.
Гидрографикасы[өңдеу]
Ауданы 736 км2 (аралдарымен қоса есептегенде 747 км2), ұзындығы 49,6 км, ені 19,8 км, жағасының ұзындығы 182 км, орташа тереңдігі 3,32 м (ең терең жері 4,7 м). Суының көлемі 2,43 млрд. м3. Шарасының түбі тегіс, батыстан шығысқа қарай аздап еңкіштеу келеді. Қарашаның аяғында қатып (ақпандағы қалыңдығы 60 — 62 см), сәуірдің бас кезінде мұзы ери бастайды. Көктемде су деңгейі көтерілген кезде Ұялы (Қошқаркөл) көлімен (Алакөл мен Сасықкөл аралығында) жалғасып кетеді. Деңгейінің жылдық ауытқуы 0,65 м.
Жағалау сипаты[өңдеу]
Оңтүстік-шығыс бөлігінде Аралтөбе түбегі (абсолютiк биіктігі 117 м), солтүстік-батысында Аралтөбе аралы бар. Көл жағасы аласа, қамыс өскен. Сасықкөлге Тентек, Қаракөл, Ай өзендері құяды.
Құрамы[өңдеу]
Суының минералдылығы 0,27 г/л — 2,16 г/л, мөлдірлігі 0,2 — 2,6 м. Көл суы химиялық құрамына қарай гидрокарбонатты келеді.
Аң-құстары[өңдеу]
Көлде балықтың 8 түрі бар (сазан, көксерке, алабұға, көкбас, т.б.). 1946 жылы мұнда Алакөл мемлекеттік ондатр шаруашылығы құрылып, 1956 жылдан ондатр терісі дайындалды. Көлде үйрек, қаз, бірқазан, аққу, балықшы, шағала, жағалауындағы қамыс арасында қабан, түлкі, мәлін (теңбіл мысық), т.б. мекендейді.