Саты (баспа)
Саты — үйдің төбесіне, қораның үстіне және басқа кез келген биік жерге шығуға арналған, екі таянышы бар ағаш құрал. Көне түркі тілінде тұрғы деп аталған. Сатының қарапайым түрі ұзындығы, көбінесе 2,5-3 метрге дейін екі қатар қойылған сырғауылға баспалдақ кағып жасалады. Әдетте мұндай сатыны шығатын биіктікке тіреп қолданады.
Қазақ елінің түрлі аймақтарында «саты» ұғымында қолданылатын көптеген атаулар қалыптасқан. Мәселен, сатыны Қазақстанның батыс өңірінде баспа, баспағаш, баспалдақ, сатыағаш, теппе деп атаса, Қызылорда аймағы мен Түркіменстан, Өзбекстан, Қарақалпақстан жерінде тұратын қазақтар зәңгі, сайбы, зәмбер деп, Шығыс Қазақстан өңірінде басқыш, шыққыш деген атаулары, оңтүстік-шығыс аудандарда тепкіш тәрізді атаулары кездеседі.[1]
Дереккөздер[өңдеу | қайнарын өңдеу]
- ↑ Қазақтың этнографиялық категориялар, ұғымдар мен атауларының дәстүрлі жүйесі. Энциклопедия. 5-том. 170-бет. «Азия Арна» баспасы. Алматы, 2014
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |