Саясаттағы оң жақ және сол жақ саяси партиялар

Саясаттағы оң жақ және сол жақ саяси партиялар, саяси өмірдің көшбасшылары мен басқа да белсенді қатысушыларының идеялық-саяси бағыттылығының сипаттамалары. Терминдер француз революциясы кезеңінде корольды жақтаушы және оның оң жағында отыратын бас штаттар депутаттары «оң жақтылар» аталып, олардың қарсыластары (сол жақта отырған) «сол жақтылар» аталып кеткен кезде пайда болды. Әдетте саясат субъектілерін оң жақтылар мен сол жақтыларға бөлу теңдікке, қоғамдық өзгерістерге, саяси әрекет әдістеріне қатынас бойынша жүзеге асырылды. Сол жақтылар әлеуметтік теңдік, радикалды қоғамдық өзгерістер, саяси күресте көбінесе күштеу әдістерінің жақтаушылары, қоғамның мұқтаж бөлігінің корғаушылары; оң жақтылар сәйкесінше, теңдік, шұғыл қоғамдық өзгерістердің карсыластары, артықшылығы бар топтар мен қоғамның иерархиялык ұйымдастырылуының жақтаушылары. Оң жақтылар мен сол жақтылардың нағыз сипаттамалары тарих барысында және коғамның түріне карай өзгеріп отырды.