Саяси алдап-арбау әдістері

Саяси алдап-арбау әдістері - адам санасына нақты әдістерді қолдану арқылы әлеуметтік аңыздарды енгізу. Саяси алдап-арбау әдістеріне фактілерді алмастыру, тиімсіз ақпаратты айтпай қалу, өтірік пен өсек тарату, ақиқатты жартылай айту (аудиторияның сеніміне кіру үшін мәні аз фактілерге көп көңіл бөлініп, жан-жақты айтылады да маңызды жағы айтылмай қалады), ярлыктар тағу (дәлелсіз "фашист", "ұлтшыл", "шовинист" деген сияқты) жатады.

Саяси алдап-арбауда бұқаралық психология заңдылықтары тиімді пайдаланылады. Мысалы, "үндемеу спиралі", яғни, қолдан жасалған қоғамдық пікірге түрғындардың басым көпшілігін сендіру. Саяси алдап-арбау тек авторитарлық және тоталитарлық тәртіптерге ғана емес, бүл құралды қазіргі кезеңде демократиялық мемлекеттердегі партиялық насихат пен сайлау науқанында кеңінен қолданып отыр.