Саяси күрес

Саяси күрес - саяси субъектілердің өздерінің нақты саяси нәтижелеріне жетуі мақсатында мүдделерді қарама-қарсы қою жағдайы. Күрес қарама-қарсы саяси субъектілер қатаң, шешімді құралдар көмегімен қоғам жүйесін өзгертетін төңкерістік болуы мүмкін. Күрес түсінігі төңкерістік ойлау мен әрекет теориясының негізгі түсініктерінің бірі.

Саяси күрес реформистік болуы ықтимал. Оның негізгі мазмұны бірте-бірте кезеңдермен сан алуан әлеуметтік-саяси субъектілердің, қарама-қарсы мүдделерін қанағаттандыруда. Сондықтан реформистік саяси күрес нәтижесін алдын ала болжауға болады.

Саяси күрес түрлері - саяси дағдарыстар, соғыстар, көтерілістер. Саяси күрес саяси партиялар, электорат, саяси көшбасшылар арасында өздерінің биліктік өкілеттіліктерін кеңейту төңірегінде болуы мүмкін. Сонымен бірге ол партия ішінде, мемлекетаралық, мемлекет ішінде, т.б. болуы ықтимал.