Саяси көкезулік

Саяси көкезулік - [грек, demagogia demos - халық, ago - жетелеу] - бүқара халықтың арасында бедел мен танымалдыққа ие болу, құпия немесе ашық мақсаттарға жету жолында өтірік уәделер беру, фактілерді бүрмалау және басқа әдіс-тәсілдерді пайдалану.

Демагогия құбылысы антикалық демократия кезінде пайда болған. Демагогтар саяси шешендік құралдарды пайдалана отырып тыңдаушыларды адастырып, оларға өз пікірлерін қабылдатуға мәжбүр еткен.

Қазіргі заманғы саясатта саяси демагогия саяси элита үшін қиын да күрделі жағдайларда жиі қолданылады. Мүндай кездерде демагогиялық әдіс-тәсілдер тыңдаушыларды шындықтан алыстатып, саясаткердің пікірін қабылдатады. Демагогтардың ерекше белгісі - өмірді жақсарту туралы уәделерді бергіштігі. Мысалы, кеңестік дәуірдегі саяси демагогия ұрандарға, халықты рухтандырып күреске шақыру сөздеріне толы болды. Кей кезде керісінше жағдай туындауы да мүмкін. Яғни, жағдайды жақсарту мүмкін еместігін дәлелдеуге тырысу.