Саяси нарық

Саяси нарық - қандай да бір саяси шешімдермен байланысты пайда мен артықшылықтарды, яғни мүмкіндіктерді бөлу нарқы. Саяси нарықта сатушы ретінде саяси билікті иеленушілер немесе иеленуі мүмкін адамдар болса, ал сайлаушылар - сатып алушылар рөлінде. Саяси нарық сайлаушылар үшін "тауарды" олардың талабына сай дайындауға тырысады.

Саяси нарық құралдары: саяси субъектілердің дербестігі мен тәуелсіздігі, олардың бірде-бірі саяси сахнада монополиялық жағдайға ие болмайды; саяси субъектілердің тең құқылығы, олардың қызметі мен өзара қарым-қатынасын реттейтін жан-жақты дайындалған ережелер жүйесімен қамтамасыз етіледі; қоғамдық құндылықтар жүйесі саяси субъектілер арасындағы консенсуске қол жеткізу негізі болып табылады.