Саяси шеру

Саяси шеру - саяси қатысудың бір түрі, ол заңды және заңсыз болуы мүмкін. Заңды саяси шеру билік органдарының рұқсат етуімен алдын ала уақыты, өтетін жері белгілену арқылы жүзеге асырылады, ал заңсыз саяси шеру рұқсат етілмеген, күтпеген жерден, халықтың стихиялық жиналуы, ұйымдасуы арқылы да болуы мүмкін. Қазақстан Республикасында 1995 ж. 17 наурызда бейбіт жиналыстар, митингілер, шерулер, пикеттер және демонстрациялар ұйымдастыру мен өткізу тәртібі туралы заң қабылданған. Заңға сәйкес жиналыстар, митингілер, шерулер және демонстраңиялармен қатар қоғамдық орындарда аштық жариялау, киіз үйлер, шатырлар, өзге де құрылыстар түрғызу және пикет қою қарсылық білдіру нысандар ретінде мойындалуы үлкен жетістік дейміз. Ал 1995 ж. Конституция азаматтардың бейбіт жиналыстар, митингілер мен демонстрациялар, шерулер өткізу құқын тосқауылдарға түру құқығымен толықтырып, әрі олардың қарусыз өткізілуін ескерткен. Қ.Р. саяси шеру, демонстрациялар, митингілерді өткізу мақсатында жергілікті атқарушы органнан рұқсат алу процедурасы бекітілген. Ұйымдастырушылар туралы толық мәлімет (тегі, аты, әкесінің аты, олардың тұратын жері және жұмыс істейтін (оқитын) жері) талап етіледі.