Саят-Нова

Уикипедия — ашық энциклопедиясынан алынған мәлімет
Навигацияға өту Іздеуге өту

Саят - Нова (лақап аты;шын аты жөні - Арутюн Саядян)(1712, Тбилиси,1795,Тбилиси) - армян ақыны. Қолөнерші отбасысында туған. Ақындық (ашуг) даңқы ерте танылды. Грузин патшасы Ираклий II-нің сарайында біраз уақыт қызмет еткенімен оның озбыр шонжарларымен сыйыса алмады. Сарай маңынан қуғындалып, әділетсіздік тақсіретін көп тартты, тіршіліктің талай ауыр тауқыметін бастан кешті. Ол - орта ғасырдағы армян поэзиясының аса көрнекті өкілі. Оның поэзиясы өмірге құштарлық әуенімен ерекше назар аударады. Махаббат лирикасы әлеуметтік мазмұнға толы ("Мен сені сүйгендіктен іңкәрмін", "Бұлбұлға" т.б.). Дін мен қараңғылық шырмаған феодализм дәуірінде Саят - Нова адамгершілікті жырлады, қарапайым еңбек адамын ардақтады. Оның өнері бертінгі дәуірдегі армян, грузин және әзірбайжан поэзиясының дамуына үлкен ықпал жасады.

Дереккөздер[өңдеу | қайнарын өңдеу]

[1]

  1. Қазақ Совет энциклопедиясы, 1976 жыл, Алматы,10 том, 76 бет