Саяуыш Ұндырқанұлы Қасабаев

Уикипедия — ашық энциклопедиясынан алынған мәлімет
Навигацияға өту Іздеуге өту

Саяуыш Ұндырқанұлы Қасабаев - 1975 жылы 24 желтоқсанда Семей облысы Үржар ауданында туған. Қазақ. Әкесі - Қасабаев Ұндырқан, зейнеткер, механик болып жұмыс істеген. Анасы - Қасабаева Рысбике Мұқанқызы, марқұм. Армия генералы В.Ф. Марчелов атындағы Рязань жоғары әуе-десанты командалық училищесінің инженерлік факультетін (1999), инженер-механик; Орталық Азия университетінің құқықтану факультетін бітірген (2008), заңгер. Қазақ, орыс және ағылшын тілін біледі.

  • 1994-1999 жылдары - Рязань жоғары әуе-десанты командалық училищесінің студенті.
  • 2004 жылдан - «Сонар Сақшы» ЖШС қауіпсіздік қызметі бастығының орынбасары.
  • 2005 жылдан - «Банк ЦентрКредит» ААҚ күзет және инкассация бөлімінің бастығы.
  • 2009 жылдан бері - «Аскор» қауіпсіздік агенттігі» ААҚ әскери және кәсіби дайындық нұсқаушысы, сонымен қатар, «Боран» арнайы бөлімшесінде әскери самбодан нұсқаушы. Қоян-қолтық ұрыстан Ресей ӘДӘ чемпионы (1996, 1997, 1998); қоян-қолтық ұрыстан РФ Қарулы күштерінің жүлдегері (1996, 1997); қоян-қолтық ұрыстан Бүкілресейлік турнир чемпионы (Омбы қ., 1997, 1998); халықаралық турнир жеңімпазы (Санкт-Петербург қ., 1997); РФ Қарулы күштерінің чемпионы (1998); армия генералы В.Ф. Маргелов атындағы халықаралық турнир чемпионы (1998); ережесіз күрестен халықаралық турнир жеңімпазы (Мәскеу қ., 1998,

1999; Рязань, 2003); әмбебап жекпе-жектен Еуропа чемпионы (Чехов қ., 2003); әскери самбодан Қазақстан чемпионы (2005); дайдо джуку кудодан Қазақстан чемпионы (2006, 2009); әскери күрестен Әлем чемпионатының қола жүлдегері (Ташкент қ., 2006); кудодан ҚР чемпионы (2008, 2009); ережесіз жекпе-жектен Халықаралық турнир жеңімпазы (Алматы қ., 2009). Халықаралық санаттағы спорт шебері.

Әскери атағы - запастағы аға лейтенант.
Діни көзқарасы - мұсылман.
Хоббиі - шахмат, спорт.
Сүйіп оқитын әдебиеті - детективтер.

Бойдақ. 2 баласы бар.[1]

Дереккөздер[өңдеу | қайнарын өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2