Сақтаған Тұрлымұратов

Сақтаған Тұрлымұратов(10.8. 1933 ж.т., Қызылорда облысы Сырдария ауданы Сұлутөбе кыстағы) -театртанушы, Қазақстанның еңбек сіңірген мәдениет қызметкері (1991). 1955 ж. Ташкент театр-көркемсурет институтының театртану факультетін (профессор М.С. Григорьев, Я.С. Фельдман және К.Д. Березиннің жетекшілігімен) бітірді. 1955 - 1960 ж. Қызылорда облыс аралық концерт-эстрада бірлестігінің көркемдік жетекшісі, 1960 - 1977 ж. Қызылорда облысы драма театрының, 1977 - 1978 ж. Қазақ академия драма театрының каржы жөніндегі, 1978 -1984 ж. қазіргі Қазақ академия балалармен жасөспірімдер театры және Мемлекеттік академия орыс балалар мен жасөспірімдер театры; 1984 - 1986 ж. Қазақ театр қоғамында қызмет етті). 1986 -1993 ж. Қазақ қуыршақ театрының директоры болып жұмыс істеді. 1956 жылдан театр жайлы мақалалары облыс және республика мерзімді басылымдарда жарияланды. 1993 жылдан республикалық дәрежедегі зейнеткер. Қазақстанның Жоғарғы Кеңесінің Құрмет грамотасымен (1968, 1979) марапатталған.