Светқали Нұржан

Светқали Нұржан
Туған күні	15 желтоқсан 1962(1962-12-15) (56 жас)
Туған жері	Маңғыстау облысы Түпқараған ауданы
Азаматтығы	Қазақстан
Ұлты	қазақ
Мансабы	ақын
Шығармалардың тілі	қазақ тілі
Марапаттары
Сыйлықтары	Төлеген Айбергенов атындағы сыйлығының иегері

Светқали Нұржан (1962 жылы 15 желтоқсанда Маңғыстау облысы Түпқараған ауданы Қаңға баба ауылында туған) — ақын. Дарын мемлекеттік сыйлығының лауреаты (1996). Құрмет орденінің иегері (2017).

Толығырақ

• Светқали Нұржан 1962 жылы 15 желтоқсанда Маңғыстау облысы Түпқараған ауданы Қаңға баба ауылында дүниеге келген.
• 1982 - 1986 жылдары Әл-Фараби атындағы Қазақ ұлттық университетінің филология факультетін бітірген.
• Еңбек жолын Ауылдағы орта мектепті бітірген соң жылқышы, мұнай өндірісінде жұмысшы болған.
• Жоғары білім алғаннан кейін «Пионер» (қазіргі «Ақ желкен», 1986 – 1987) журналында, Қарақия аудандық мәдениет бөлімінде (1987 – 94), облыстық «Өнер» қорында (1994 – 95; 1995 жылдан осы қордың президенті) қызмет істеген.
• Нұржанның өлеңдері облыстық және республикалық мерзімді баспасөзде, студенттердің жыр жинағында («Аудитория», 1984) жарияланған. 1993 жылы «Аруана» атты жеке жинағы, бұдан кейін үш томдық «Таң қауызын жарғанда» жинағы (2002) жарық көрді.
• ақын Светқали Нұржанның 55 жылдығы қарсаңында «Баба түкті боз дала» атты шығармашылық кеші өтті.

Марапаттары

• 1996 жылы - Дарын мемлекеттік сыйлығының лауреаты
• Қазақстан жазушылар одағының Төлеген Айбергенов атындағы сыйлығының иегері
• ҚР Президентінің әдебиет саласындағы президенттік степендиясының иегері
• Ерен еңбегі үшін медалінің иегері
• 2017 жылдың 5 желтоқсанындағы ҚР Президентінің жарлығымен Құрмет орденімен марапатталған.[1]