Севан (көл)

Уикипедия — ашық энциклопедиясынан алынған мәлімет
Jump to navigation Jump to search

Севан, Гокча – Армениядағы биік таулық көл; теңіз деңгейінен 1900 метр биіктікте орналасқан. Ауданы 1360 км квадрат. Солтүстігінен Памбак және Арегуни, солтүстік-шығыстан Шахдаг (Севан), батысынан және оңтүстігінен Гегам, Варденис (соңғылары вулкандық жоталар) тау жоталарымен қоршалған. Севан тау аралық тектоникалық ойыста жатыр. ЕКі мүйісі арқылы кішірек солтүстік-батыс (Кіші Севан) және оңтүстік-шығыста (Үлкен Севан) бөліктеріне бөлінеді. Кіші Севан тереңірек (86 метрге жуық) және жағалауы күшті тілімденген. Үлкен Севан түбі тегіс, жағалауы аз тілімденген. Үлкен Севан түбі тегіс, жағалауы аз тілімденген, тереңдігі 35 метрдей. Көлге ірілі-ұсақ 28 өзен құяды, Раздан (Занга) өзені (бойында 6 СЭС салынған) ағып шығады. Көлде севан форелі өсіріледі. Арпа өзенінің суын көлге бұру мақсатында ұзындығы 48,6 км-лік туннель салынуда (1975). Жағасында Севан қаласы орналасқан. [1]

  1. Қазақ совет энциклопедиясы 1976 жыл. / М.Қ.Қаратаев