Сейсем ата

Уикипедия — ашық энциклопедиясынан алынған мәлімет
Jump to navigation Jump to search
Сейсем ата қорымы

Сейсем атақорым. Маңғыстаудағы қасиетті орын. Мұнда адай тайпасының ардақты азаматтары (Тіней Есекмерген, Құнанорыс Лабақ, Кенже Қонай, Есен Сейіт, Бәйімбет Әнет, Төлеп жары Сүйінқара, Тіней Шөнен би, Жанай Қожаназар бай) жерленген. Қорымның тарихы тым ертеден басталады. Адайларды осы өңірге алғаш орналастырушы жолбасшылардың, батырлардың, билердің, бай-мырзалардың бейіттері осы қорымда. Сейсем атаға түнеу үшін әуелі Әз әулиеге тәу ету дәстүрі қалыптасқан. Әз әулие Сейсем атаның шешесі деп есептеледі. Сондықтан осында тәу етіп барып, Сейсем атаға түнеу дәстүрі әдетке айналған. Сейсем атаның қай дәуірде өмір сүргенін анықтарлық нақты дерек жоқ. Осындағы ескерткіш белгілер әр кезеңнің өз дәстүріне лайықты үлгіде тұрғызылған. Қорым туралы деректер 1825 жылы осы өлкеге орыс әскери экспедициясы шығарылғаннан кейін ғана там-тұмдап белгілі бола бастады. Бірақ олардан да дәл, нақты мәліметтерді табу қиын. Сейсем ата қорымы халықтың қасиетті де қадірлі, киелі орны ретінде сақталып келеді.[1] [2] [3] [4] [5] [6] [7] [8] [9] [10] [11] [12]

Дереккөздер[өңдеу | қайнарын өңдеу]

  1. «Маңғыстау» энциклопедиясына, Компьютерлік-баспа орталығы, 2007
  2. «Қазақ Совет энциклопедиясы» (12 томдық), Алматы, 1972 – 1978;
  3. Маңғыстау энциклопедиясы, Алматы, 1997;
  4. «Қазақ тілі» энциклопедиясы, Алматы, 1998;
  5. «Атырау» энциклопедиясы, Алматы, 2000;
  6. «Қазақ әдебиеті» энциклопедиясы, Алматы, 2001;
  7. «Қазақ өнері» энциклопедиясы, Алматы, 2002;
  8. «Батыс Қазақстан облысы» энциклопедиясы, Алматы, 2002;
  9. «Қазақстанның қорықтары мен ұлттық бақтары», Алматы, 2006;
  10. «Красная книга Казахстана», Алматы, 2006;
  11. «Маңғыстау өсімдіктерінің каталогы», Ақтау, 2006;
  12. «Қазақстан» ұлттық энциклопедиясы (10 томдық), Алматы, 1998 – 2007.