Сейтек (Сібір хандығы)

Уикипедия — ашық энциклопедиясынан алынған мәлімет
Jump to navigation Jump to search

Сейтек (Сәтбек, Сейдақ), Бекболатұлы Сейд-Ахмед (16 ғасырдың 2-жартысы) — Сібір хандығының басшысы, әскери қолбасшы. Есіл жағалауында көшпелі тұрмыс жағдайында туып-өскен. Оның тұрақты қыстауы Көкшетау аумағында болған. Сейтек басшылық еткен қысқа уақыт ішінде Ресей үкіметімен достық қарым-қатынас орантуға тырысқан. Басқа аумақтың көшпенділеріне Орталық және Төменгі Есіл жағалауларының құнарлы жайлауларына қоныстануға рұқсат берген. Тәуекел ханның жақын туысқанының қызына үйленген. Сейтек орыс казактарына қарсы ұрыстарға қатысқан батыр болған. 1598 ж. Сібір қолбасшысы Д. Чулковтың (орыс.) опасыздығынан алданып, тұтқынға түседі де, күзетшілердің айдауымен Мәскеуге жеткізіледі. Борис патша (орыс.) оны Сібір және Қазақ хандығы арасындағы қарым-қатынастарға пайдалану үшін жылы қарсы алады. Сейтекке жер үлесін бөліп беріп, «мұқтаждық көрмей тұрғылықты өмір сүруге» арналған бау-бақшасы, қора-мүлкі бар жеке қоныс береді. Қазіргі Ярославль облысында қайтыс болып, сонда жерленген.[1]

Дереккөздер[өңдеу]

  1. Солтүстік Қазақстан облысы. Энциклопедия. – Алматы: «Арыс» баспасы, 2006. – 704 б. ISBN 9965-17-340-0