Сейілғазы Әбдікәрімов

Сейілғазы Әбдікәрімов (1.11.1949. ҚХР. Тарбағатай аймағы. Шағантоғай ауылы) - тележурналист. . ҚазМУ-ді бітірген (1977). Еңбек жолын кеңшарда жұмысшылықтан бастап, университетті бітіргеннен кейін Қазақстан Мемлекеттік кино комитетінде редактор, ҚР Мәдениет министрінің репертуарлық- редакциялық коллегиясында редактор, "Қазақ әдебиеті" газетінің аға тілшісі, Қазақ теледидарында, "Алатау" арнасында редактор, комментатор (1977-2005).

Телеэкранда "Сахна шебері", "Халық - талант қайнары", "Халық таланттары", "Асыл мұра", "Терме", "Шабыт", "Домбыра дастан", "Тамаша" т.б. музыкалық телехабарлар циклін жасауға қатысты, телефестивальдар ұйымдастырды. "Інжу-маржан", "Ауылым", "Ақ Жайық", "Шу еркесі", "Сыр сұлуы", "Алатау" ансамбльдерінің экраннан көрінуіне белсене атсалысты.

Өнер жулдыздары Б.Төлегенова, Р.Батланова, Н.Нүсіпжанов,Р.Рымбаева,Ж.Кәрменов, Б.Тілеуханов, А.Үлкенбаева, С.Тұрысбеков т.о. шығармашылығына телепортреттерін жасады. С.Әбдікәрімов - кино, театр, теледидар тақырыптарында 150-ден астам мақалалар мен ғылыми еңбектердің авторы. Қазақстан Жазушылар одағының және Қазақстан Журналистер одағының мүшесі. ҚР-ның мәдениет қайраткері (2004). "Жер иесі" (1991), "Белес, белес, белестер" (1993), "Өнер мұраты" (1993), "Театр өнерінің ақ ордасында" (1997), "Мазасыз түн" (2004), "Джордж Буш және әлем" (2004), "Текті атаның ұрпақтары" (2006), "Әмина Өмірзақова" (2006) сынды кітаптардың авторы.