Сейіт-Әлімхан әмірші

Үлгі:Infobox Monarch Сейіт-Әлімхан әмірші (толық аты — Сейіт Мір-Мұхаммед Әлімхан) — Бұқар әміршілігінің соңғы әміршісі (1911-1920).

1881 ж. (һижра бойынша 1298 ж. мұхаррам айының 5-інде) Керминеде туған, әмірші Абдулахадханның баласы.

Сауаты ашылып, бастауыш білімін алғаннан соң, жасы 12-ден 13-ке кеткенде 1893 ж. сол кезде Ресей империясының елордасы болған Санкт-Петербургға кетіп әскери білім беретін оқу орнына түсті. Оны 1896 ж. бітіріп шықты.

Екі жылдан кейін Қаршы уалаятының әкімі болып тағайындалды. 1910 ж. туған жері Керминеге әкім болып кетті.

1911 ж. әкесі қайтыс болған соң, әмірші болып таққа отырды.

Большевиктермен күресіп, ақырында 1920 ж. биліктен айрылып, 1921 ж. Ауғанстанға көшуге мәжбүр болды. Өмірдің соңғы 23 жылын Ауғанстанда тұрып, 1944 ж. қайтыс болды.