Сембай Бердімұратов

Уикипедия — ашық энциклопедиясынан алынған мәлімет
Jump to navigation Jump to search
Sembaib.jpg

Сембай Бердімұратов1921 жылы Гурьев облысының "Тегісшіл" ауылында дүниеге келген.

Майдангер[өңдеу]

1942-1945 жылдарда пулеметші және танктерді ататын зеңбіректердің дәлдеушісі болып Ұлы отан соғысына қатысқан. Жауынгерлік үш орден, бірнеше медальдардың иесі.

Ұстаз[өңдеу]

Ұзақ жылдар бойғы жемісті еңбегі үшін "Қазақ КСР халық ағарту ісінің үздігі", " КСРО халық ағарту ісінің үздігі" атақтары берілген.

Қаламгер[өңдеу]

КСРО халық жазушылар одағының мүшесі. Мезгілінде Гурьев облысының, Махамбет аудандық "Малды өңір" газетінде шығармашылық жұмыспен айналысқан. "Білім және Еңбек" журналының, 1982 жылы өткізілген байқауның лауреаты.

Мәдениет қызметкері[өңдеу]

Атырау облысы, Махамбет ауданының орталығында қазақтың белгілі ақыны, батыр Махамбет Өтемісұлы атындағы тарихи-өлкетану мұражайын ұйымдастырып, оған республикалық дәреже бергізіп, 2002 жылға дейін сол мекеменің директоры болып қызмет еткен.

Ақындық жолында[өңдеу]

1939 жылы Гурьев облысы жас ақындарының слетіне қатысқан. Бұрын "Жайқоңыр", "Дала дауысы", Жастық әуені" жыр жинақтарында топтама өлеңдері шыққан.

Соңғы жылдары, өзінің жеке "Туған жер тынысы", "Өмір кезеңдері", "Тағдыр таңбаларыә өлеңдер жинақтары жарық көрген. "Атырау қаламгерлерінің шығармалары" топтамасының 15 томы " Сембай" аталып, ақынның өлеңдері шығарылған.

2004 жылы "Тіршілік тынысы" атты естеліктері басылды.

Сәкең айтыс ақыны. Кенен Әзірбаевтың 100 жылдығына арналған республикалық айтыста Маңғыстау ақыны Тілеумұрат Қожабеков екеуінің айтысына дәрежелі екінші орын берілген.

Өзінің бұл өмірдегі жеткен ең биік жетістіктерінің бірі болып, Сембай аға 2005 жылы "Қазақстанның зиялы азаматтары" энциклопедиясына енгізілген.

"Сезім саздары" атты өлең және әңгімелер жинағы Сембай Бердімұратовтың 85 жасқа толу мерей тойына арнап дайындалған.