Семен Алексеевич Лавочкин

Уикипедия — ашық энциклопедиясынан алынған мәлімет
Jump to navigation Jump to search

Семен Алексеевич Лавочкин (1900 жыл 29 тамыз, Смоленск - 1960 жыл 9 маусым, Мәскеу) - кеңес авиаконструкторы, КСРО ғылым академиясының корреспондент мүшесі (1958), инженер-техникалық қызметтің генерал-майоры (1942), Социалистік Еңбек Ері атағын екі рет алған (1943, 1956). 1953 жылдан КОКП мүшесі.

Еңбек жолы[өңдеу]

1927 жылы Мәскеудің жоғары техникалық училищесін (қазіргі Мәскеу мемлекеттік техникалық университеті) бітірді. 1935 жылдан ұшақ жасау саласының бас конструкторы. Оның басшылығымен жасалған «ЛаГГ-3», «Ла-5», «Ла-7» ұшақтары Ұлы Отан соғысы жылдарында өте жоғары бағаланды. Кеңес Одағының Батыры атағын үш рет алған И.Н.Кожедуб Лавочкиннің басшылығымен жасалған ұшақтармен жаудың 62 ұшағын жойды. Лавочкин соғыстан кейінгі жылдары реактивтік авиация техникасын дамытуға өз үлесін қосты. Ол тұңғыш рет КСРО-да дыбыстың таралу жылдамдығынан шапшаң ұшатын ұшақты жасады. 3-5 сайланған КСРО Жоғарғы Кеңесінің депутаты.

Марапаттары[өңдеу]

КСРО Мемлекет сыйлығының лауреаты (1941, 1943, 1946, 1948). 3 рет Ленин орденімен және басқа орден, медальдармен марапатталған.[1]

Дереккөздер[өңдеу]

  1. Қазақ Совет Энциклопедиясы, Алматы, 1975ж., 7 том