Семен Андриянович Лебедев

Уикипедия — ашық энциклопедиясынан алынған мәлімет
Навигацияға өту Іздеуге өту

Семен Андриянович Лебедев(5.12.1919, Қарағанды облысы, Нұра ауданы, Ақмешіт ауылы - өлген жылы белгісіз) - 2-дүниежүзілік соғысқа қатысушы, ұшқыш, полковник. Кача (Севастополь) әскери училищесін (1938) бітіргеннен кейін Қиыр Шығыста әскери ұшқыш қызметінде болды. 1943 жылдың сәуір айынан 3-Беларусь майданы 1-әуе армия 3 - жойғыш (истребитель) авиация корпусы 278-жойғыш авиация дивизиясы 43-жойғыш авиация полкі құрамында Ұлы Отан соғысына қатысқан. Қырым, Балтық жағалауы елдерін, Беларусь жерін азат етуде, сонымен қатар Берлин қаласын алуда айрықша ерлік көрсетті. Эскадрилья командирі Лебедев 1944 жылдың тамызына қарай әуеге 169 рет көтеріліп, 34 әуе шайқасында дұшпанның 19 ұшағын жойды. Лебедевке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (23.2.1945). Мәскеу Әскери-әуе академиясын (1952) бітіріп, Әскери ғылымдарының кандидаты әрі сонда доцент қызметін атқарды. Ленин, 3 рет Қызыл Ту, 1-дәрежелі Отан соғысы, «Қызыл Жұлдыз», Александр Невский ордендерімен, медальдармен марапатталған.[1]

Дереккөздер[өңдеу | қайнарын өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х