Сенойлар

Сенойлар — тайпалар тобы (семаи, тимиар, джаххут, чевонг, махмери, т.б.). Олар Малакка аралының Орталық үстіртінің орманды алқаптарын мекендейді. Сенойлар 30 мыңдай адам. Тілдері монкхмер тілдері тобына жатады. Бірақ малайя тілінің әсері басым. Ислам дінімен қатар дәстүрлі наным-сенімдерін де ұмытпаған. Антропологиялық типтері, тілі мен мәдениетіндегі ерекшеліктер олардың Оңтүстік Шығыс Азиядағы моңғол нәсіліне дейінгі байырғы тұрғындар тобына жататынын байқатады. Қазіргі сенойлар малайялықтармен ассимиляцияға ұшыраған. Олар егіншілікпен және аң, балық аулаумен айналысады. Сенойларда аналық рулық қатынастар ерекше дамыған.