Сервилдің Севчугі
Қазақстан жеріндегі таралу аймағы шектеулі, саны азайып бара жатқан, сирек кездесетін шегіртке түрі. ТМД фаунасындағы Onconotus F. d. W. туысының екі түрінің бірі. Бұл — мығым, ірі қанатсыз шегіртке қара қоңыр түсті,аталығының алдыңғы кеудесі мен құрсағында сары суреттері бар. Далалы жерлерде оңтүстік-шығыс Сібірге дейін таралған. Бұталы өсімдікті түрлі шөпті-астық тұқымдасты далаларда тіршілік етеді. Аналығы әдетте жерде жүгіріп жүреді, аталығы көбіне биік шөптің сабақтары мен бұталарда кездеседі. Көбею кезінде аталықтары аналықтарын еліктіру үшін қатты шырылдайды.Өсімдіктермен қоректенеді. Ауыл шаруашылығында далалы жерлерді қарқынды игеру түрдің тіршілік ортасын қатты қысқартты. Түрді қорғау үшін кездесетін жерлерін тауып, мүмкіндігінше қорғалатын жерге айналдыру керек.
Дереккөздер[өңдеу | қайнарын өңдеу]
Ғажайып омыртқасыздар. Қазақстан Қызыл кітап беттерінен. Құрастырушылар И.Д.Минтяев, Р.В. Ященко, В.Л. Казенас.