Сергей Алексеевич Елистратов

Уикипедия — ашық энциклопедиясынан алынған мәлімет
Навигацияға өту Іздеуге өту

Сергей Алексеевич Елистратов(1923, Шығыс Қазақстан облысы,Бесқарағай ауданы,Кіші Владимирова селосы - 1947, Ресей, Дағыстан Республикасы,Буйнакск қаласы) - 2-дүниежүзілік соғысқа катысушы, сержант, бөлімше командирі. Кеңес әскері қатарына 1941 жылы шақырылды. Кіші командирлер дайындайтын мектепте оқып, әскери дайындықтан өткен соң майданға аттанды. Ол 69-атқыштар дивизиясының 20-жеке барлаушылар ротасында Сталинград, Орталық, 2-Украина майдандарында ұрыстарға қатысты. 1943 жылдың қазанында Днепр өзенінің жағалауына шықты. 20- жеке барлаушылар ротасындағы Елистратов бір топ барлаушылармен өзеннен өту, жаудың қорғаныс шебіне барлау жасау, дивизияның десантшылар отряды түсетін плацдарм әзірлеу жөнінде жауынгерлік тапсырма алды. Барлаушылар жаумен соғыса отырып, Днепр өзенінен қайықпен өтіп, жау әскерлерін кейін шегіндірді. Шағын плацдарм жаудан алынды. Осы ұрыста Елистратов жауынгерлермен бірге жауды тойтарып, құнды құжаттары бар бір офицерін тұтқындады. Көрсеткен ерлігі үшін Елистратовқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (30.10.1943). Елистратов согыстың соцында Ленинградтағы (қазіргі Санкт-Петербург қаласы) артиллериялық училищеге жіберілді. 1947 жылы қызмет бабымен жүріп, қайғылы қазаға ұшырады.[1]

Дереккөздер[өңдеу | қайнарын өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х