Сергей Валентинович Волобуев

Уикипедия — ашық энциклопедиясынан алынған мәлімет
Jump to navigation Jump to search

Сергей Валентинович Волобуев, Әли Сұлтан (25.11.1965 ж. т., Қарағанды облысы, Жаңаарқа ауданы, Атасу ауылы) спортшы, самбодан әлем біріншілігінің күміс жүлдегері (1989, Нью-Йорк), әлем кубогының иегері (1992, Алматы).

1990 ж. Жамбыл гидромелиорат.-құрылыс институтын инженер-құрылысшы мамандығы бойынша бітірген. 1989-92 ж. Атасу ауылында балалар мен жасөспірімдер спорт мектебінде самбодан жаттықтырушы, 1992-96 ж. Шымкенттегі осындай мектепте жұмыс істеді. 1996 жылдан Орал қаласындағы 3-балалар мен жасөспірімдер спорт мектебінде бапкер-оқытушы. 1994 ж. мұсылман дінін қабылдаған. Самбо және қазақша күреспен 1978 жылдан бастап айналысқан. Алғашқы жаттықтырушысы — Д. Биткөзов. Самбодан КСРО спорт шебері (1989), халықаралық спорт шебері (1989), дзюдодан КСРО спорт шебері (1985).

Самбодан Қазақстанның бірнеше дүркін чемпионы, КСРО чемпионаты мен кубоктарының, халықаралық жарыстарының жүлдегері. 1989 ж. Нью-Йоркта әлем біріншілігінде күміс жүлдегер атанды. 1992 ж. әлем кубогының иегері. Еуропа чемпионатының қола жүлдегері (1993, Каунас), Азия чемпионаты (1994, Алматы), әлем кубогының қола жүлдегері (1995, Кстово). Дзюдодан Қазақстан чемпионы, С. Жандосов атындағы 1-халықаралық жарыстың жеңімпазы. Қазақша күрестен Қазақстанның бірнеше дүркін чемпионы және абсолют жеңімпазы.[1][2]

Дереккөздер[өңдеу]

  1. Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8
  2. Қазақстан - спортшылар елі. Энциклопедиялық анықтамалық. - Алматы: "Сөздік-Словарь". ISBN 9965-822-57-3