Сергей Васильевич Герасимов

Уикипедия — ашық энциклопедиясынан алынған мәлімет
Jump to navigation Jump to search

Герасимов Сергей Васильевич (26.09.1885, қазіргі Москва облысы, - 20.04.1964, Москва) – совет кескіндеу өнерінің шебері, КСРО халық суретшісі (1958), КСРО Көркем сурет академиясының академигі (1947), өнер тану ғылымының докторы (1956). 1950 жылдан КОКП мүшесі. Москвада Строганов училищесінде (1901-1907) және мүсін, сәулет, кескіндеу өнері училищесінде (1907-1912) оқыған. Совет өкіметінің алғашқы жылдарында Москвада өткен революциялық бұқаралық мерекелердің көркемдеу жұмысына қатынасты. 1920 – 1930 жылдардағы портреттері мен жанрлық картиналарын шаруаларға арнаған, мұнда жаңа өмір орнатудың қиын-қыстау кезеңі бейнеленді («Сельсовет», 1924-1925; «Коммунистердің деревняға келуі», 1927; т.б.). «1917 жылдың октябрі» (1932), «Партизан анты» (1932-1933) – оның тарихи революциялық тақырыптағы еңбегі. «Колхоз күзетшісі» (1933, Третьяков галереясы) атты портретте жаңа өмірдің қожасы – совет адамының жарқын образын жасады. 1940 – 1950 жылдары тарихи және қазіргі заман тақырыбына барынша ден қояды («Партизан анасы», 1943, 1949 – 1950 жылдары қайта өңделді; «Пугачев көтерілісі», 1945; «Совет өкіметі үшін», 1957; т.б.). С.В.Герасимов творчествосында табиғат сұлулығын айна-қатесіз түсірген пейзаждар да бар («Кисловодск», 1938; «Апрель», 1950; т.б.). С.В.Герасимов көптеген әдеби шығармалардағы иллюстрациялардың да авторы.

Марапаттары[өңдеу]

1958-1964 жылдары КСРО Суретшілер одағы басқармасының бірінші секретары болды. Лениндік сыйлықтың лауреаты (1966). 2 орденмен марапатталған. [1]

Дереккөздер[өңдеу]

  1. Қазақ энциклопедиясы