Сергей Егорович Седнев

Уикипедия — ашық энциклопедиясынан алынған мәлімет
Jump to navigation Jump to search

Сергей Егорович Седнев(1917, Шығыс Қазақстан облысы, Көкпекті ауданы, Подгорное селосы - 28.7.1975, Киев қаласы) - 2-дүниежүзілік соғысқа катысушы, ефрейтор. Мектеп бітірген соң Самар МТС-ында жұмыс істеген. 1937 жылы Кеңес әскері қатарына шақырылған. Қиыр Шығыста әскери борышын өтеп, 1940 жылы туған ауылына оралды. 1941 жылы тамыз айында қайтадан әскерге шақырылып, Воронеж, 1-Украина майдандарындағы ұрыстарға қатысты. Дербес барлау бригадасының мотоциклшілер взводында, 23-дербес моторландырылған қалқыма-көпір батальонында болып,Дон, Оскол, Солтүстік Донец, Псел, т.б. өзендерден өтті. 1943 жылы 25 қыркүйекте ефрейтор 30 тонналық паромды сүйреп, дұшпан оғы астында батыс жағалауға әскер мен қару-жарақты, азық-түлікті үзбей тасып өткізді. Тура тиген жау снаряды паромның алдыңғы бетін істен шығарды. Седнев бағытын шұғыл өзгертіп, барынша қатты жылдамдықпен жүрді де, суға батып бара жатқан паромды таяздау құмқайраңға түсірді.Сөйтіп жауынгерлер мен техника аман қалды. Ақауы жөнделген паромды қайтадан жүзуге шытарды. Осы ерліктері үшін Седневке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (3.7.1944). Ленин орденімен, медальдармен марапатталған. Соғыстан кейін Киев қаласында тұрып, автобазада жұмыс істеді.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х