Сергей Семенович Наметкин

Наметкин Сергей Семенович (3. 7. 1876, Қазан, – 5. 8. 1950, Москва) – совет химик-органигі. КСРО ғылым академиясының академигі (1939; корр. Мүшесі 1932), РКФСР-дің еңбек сіңірген ғылым қайраткері (1947). 1902 ж. Москва университетін бітіргеннен кейін сонда жұмысқа қалдырды. 1926–34 ж. Мұнай ғылыми-зерттеу институтында, 1934–48 КСРО ҒА жанындағы Жанғыш қазба байлықтар институтында жұмыс істеді. 1948 ж. КСРО ғылым академиясының Мұнай институтының директоры. Наметкинның негізгі жұмыстары мұнай және табиғи газдардың химиясы мен технологиясына арналған. Мұнай химиясының ғылыми практикалық мәселелерін зерттеді. Көмірсутектерді нитрлеу негізінде бициклді көмірсутектерін алды. Камфен т. б. Көмірсутектерді синтездеп, оның қасиеттерін, сондай-ақ жуушы заттар алуды т. б. зерттеді. Наметкин Мемлекеттік Сыйлықтың лауреаты (1943, 1949). Ленин орденімен, 3 рет басқа ордендермен және медальдармен марапатталған.