Сергей Федорович Матвеев

Сергей Федорович Матвеев - 1950 жылы 20 тамызда Алматы облысы Андреев ауданы «Лепсинск» кеңшарында туған. Орыс. Әкесі - Матвеев Федор Алексеевич, марқум, зоотехник болған. Анасы - Матвеева Вера Федоровна, марқұм, кадр бөлімі инспекторы болған. Н.В. Луначарский атындағы Мемлекеттік төатр өнері институтының музыкалық факультетін бітірген (Мәскеу, 1979), оперетта әртісі. Қазақ ұлттық музыка академиясының доценті (2002 жылдан). 1979 жылдан - Н.К. Крупская атындағы Мемлекеттік академиялық орыс драма театрының актері (Фрунзе). 2002 жылдан бері - М. Горький атындағы орыс драма театрының актері (Астана). 2002 жылдан бері - К. Байсейітова атындағы ¥лттық опера және балет театрының режиссері және жеке орындаушысы. Келесі спектакльдерде ойнайды: Н.В. Гогольдің «Ревизор» (Городничий), У. Шекспирдің «Гамлет» (Король Клавдий), А. Сухов-Кобылиннің «Кречинскийдің үйленуі» (Кречинский), А.П. Чеховтың «Иванов» (Иванов), Ж. Бриккердің «Өз көзіңе сенбе» (Фрэнк Хардер), К. Маньенің «Авеню Анри Мартен 18-дегі авантюра» (Блэз) және т.б. А. Миллердің «Есімде ештеңе жоқ», К. Маньенің «Авеню Анри Мартен 18-дегі авантюра», Ж. Бриккердің «Өз көзіңе сенбе», А.С. Пушкиннің «Тас қонақ», А. Сухов-Кобылинның «Кречинскийдің үйленуі» және т.б. спектакльдердің режиссері. Қырғыз КСР Жоғарғы Кеңесінің (1988), ҚР Мәдениет министрлігінің, Астана қаласы әкімдігі мен Мәдениет басқармасының Құрмет грамоталарымен марапатталған. Қырғыз КСР Еңбек сіңірген әртісі (1988). Қырғызстанның Халық әртісі (1996). Мәдениет қайраткері (2008). Діни көзқарасы - христиан. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «¥дайы өркендеуші, әлемдік аренада көшбасшылықты қолға алуы мүмкін мемлекет». Хоббиі - кинология. Сүйіп оқитын әдебиеті - Н.В. Гоголь, О. Сүлейменов, Айтматов, В.В. Набоков, А.П. Чехов. Ұйленген. Жұбайы - Матвеева Наталья Ивановна, актриса. Ұлдары - Георгий (1981 ж. т.), Артем (1982 ж. т.).