Сергиополь тас жолы
Сергиополь тас жолы - 1830-1920 ж. Семей қаласы мен бұрынғы Сергиополь (қазіргі Аягөз) қ. арасындағы почта-қатынас жолы. Семейдің оңтүстігіне қарай 350 шақырымдық қашықтықты алып жатты. Сергиополь тас жолы бойына патша әкімшілігінің қазақ даласындағы қызметін атқарған Улы көл, Арқалық, Ащы көл, Жартас, Қызыл мола, Арқат, Әлжанадыр, Ұзынбұлақ, Еңірекей почта бекеттері орналасты. Оларда әр жылдары сауда-саттық жәрмеңкелер ұйымдастырылып, құн, жесір, жер дауларына байланысты мәселелер шешілді.
Ырғызбай ұрпақтары талай рет Семей-Аякөз аралығында осы жолмен қатынап, әкімдік- шаруашылық, сауда қызметтеріне араласты. Абай мен оның балалары да Сергиополь тас жолы арқылы талай рет Семейге, одан әрі Ресей қалаларына сапар шекті. Сергиополь тас жолы орыс патша әкімшілігі тұсында маңызды әскери-стратегиялық қызмет атқарды. Орыс жиһанкездері П. П. Семенов-ТяньШанский, Г. Н. Потанин, қазақ ғалымы Ш. Ш. Уәлиханов Азияға саяхат жасағанда да осы Жолмен өтті.[1]
Дереккөздер[өңдеу | қайнарын өңдеу]
- ↑ Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |