Серенада

Серенада (французша serenade, италянша. serenata, sera — кеш) — 1) әйелдерге арналған махаббат әні. Провансалдық трубадурлардың “серена” (“кешкі ән”) деген сөзінен шыққан. Бұл жанр оңтүстік роман халықтары тұрмысында кең тараған. Серенаданың тұрақты поэзия формасы қалыптаспаған. Ол лютня, мандолина, гитараның сүйемелдеуімен орындалады. Бертін келе Серенада операға (В.А. Моцарттың “Дон Жуан” мен Дж.Россинидің “Севиль шаштаразы”, т.б.) енді, кейіннен камерция-вокалдық музыканың жанрына айналды. 2) Вокалдық серенада сипатын танытатын жеке кейде аспаптық ансамбльмен орындалатын пьеса; 3) Кассация, дивертисмент және ноктюрнге ұқсас циклдік ансамбльді аспаптық шығарма; 4) 17 — 18 ғасырларда Батыс Еуропада сарай салтанаты құрметіне арналған музыкалық шығарма. Ол музыкалық аспаптың, көбіне оркестрдің сүйемелдеуімен орындалады.