Серпімді шеміршек

Уикипедия — ашық энциклопедиясынан алынған мәлімет
Навигацияға өту Іздеуге өту

Серпімді шеміршек (эластический хрящ); (cartilagineus elasticus, лат. cartilagoшеміршек, elasticсерпімді) — қаңқа дәнекер ұлпаларының түрі.

Серпімді шеміршек сары түсті, жасушааралық заты мөлдір емес, өте серпімді, майыстырғаннан кейін жедел алғашқы калпына келетін иілгіш шеміршек. Серпімді шеміршек құлақ қалқанының есту түтігі қабырғасының, көмекей бөбешегінің (тілшік) негізін құрайды.

Серпімді шеміршек жасушалардан және жасушааралық заттан тұрады. Ол сыртынан шеміршекқаппен (перихондриймен) қапталған. Перихондрийдің сыртқы қабатғы қан тамырларына бай талшықты дәнекер ұлпадан, ішкі қабаты шеміршек ұлпасын түзетін жас жасушалар — хондробласттардан құралған. Перихондрийдің астында серпімді шеміршек ұлпасы орналасады. Серпімді шеміршек шеміршек жасушаларынан (хондроциттерден), олардың біртекті (изогенді) топтарынан, жасушааралық заттан және ондағы эластин талшықтарынан тұрады. Шеміршекқап серпімді шеміршекті қоректендіреді және оның өсуін қамтамасыз етеді. Қаңқа дәнекер ұлпасының өкілі ретінде серпімді шеміршек адам мен жануарлар организмдерінде механикалық және тіректік қызметтер атқарады. [1]

Дереккөздер[өңдеу | қайнарын өңдеу]

  1. Биоморфология терминдерінің түсіндірме сөздігі/ - Алматы: "Сөздік-Словарь", 2009. ISBN 9965-822-54-9