Серік Жаманқұлұлы Шайдаров

Серік Жаманқұлұлы Шайдаров - 1965 жылы 3 наурызда Қарағанды облысы Жаңаарқа ауданының Атасу кентінде туған. Қазақ.Арғын тайпасының Қуандық руының Мойын-Қараша бөлімінен шыққан.

Қарағанды политехникалық институтын (1990) инженер-құрылысшы мамандығы бойынша; Қарағанды мемлекеттік техникалық университетін (2001) экономист мамандығы бойынша бітірген. Қазақ және орыс тілдерін біледі.

• 1982-1990 жылдары - Қарағанды политехникалық университетінің студенті.
• 1984 жылдан - Кеңес Әскерінің қатарында қызметте.
• 1990 жылдан - «Жезқазғанмелиорация» өндірістік құрылысты пайдалану бірлестігінің өндірістік-технологиялық жиынтықтау басқармасының инженері, бөлім бастығы.
• 1991 жылдың мамырынан - «Ертісканалқұрылыс» тресі өндірістік-технологиялық жиынтықтау басқармасының бас инженері; 1991 жылдың қыркүйегінен - материалдық -техникалық жабдықтау бөлімінің бастығы, трест басқарушысының орынбасары (Жаңаарқа ауданы Атасу кенті).
• 1992 жылдың маусымынан - «Ертісканалқұрылыс» ұжымдық кәсіпорынының өндірістік-технологиялық жиынтықтау басқармасының бастығы (Жаңаарқа ауданы Атасу кенті).
• 1992 жылдың шілдесінен - «Өндірістік-технологиялық жиынтықтау басқармасы» ұжымдық мекемесінің төрағасы (Жаңаарқа ауданы Атасу кенті).
• 1994 жылдан - Қарағанды облысы Жаңаарқа аудандық әкімшілігі басшысының орынбасары.
• 1996 жылдан - Қарағанды облысы Жаңаарқа ауданы әкімінің бірінші орынбасары, 1997 жылдан - әкімі.
• 2007 жылдан бері - Қарағанды облысы Нұра ауданының әкімі. «Құрмет» орденімен, 3 мерейтой медальмен марапатталған.