Серік Рахметоллаұлы Егізбаев

	Серік Рахметоллаұлы Егізбаев;
Лауазымы
28 наурыз 2023 жылдан бастап
Өмірбаяны
Партиясы	Ауыл
Білімі	Батыс Қазақстан ауыл шаруашылығы институты,; М.С.Нәрікбаев атындағы Қазақ гуманитарлық заң университеті
Ғылыми дәрежесі	экономика ғылымдарының кандидаты
Мамандығы	агроном, экономист, заңгер
Дүниеге келуі	22 сәуір 1963 (62 жас); Шағатай, Теректі ауданы, Орал облысы, Қазақ КСР
	өңдеу

Серік Рахметоллаұлы Егізбаев (22 сәуір 1963, Шағатай, Теректі ауданы, Орал облысы, Қазақ КСР) — қазақстандық агроном-ғалым, мемлекет қайраткері, Қазақстан Республикасы Парламенті Мәжілісінің VIII сайланым депутаты, Аграрлық мәселелер комитетінің төрағасы. Экономика ғылымдарының кандидаты (2001).

Өмірбаяны

1985 жылы Батыс Қазақстан ауыл шаруашылығы институтында агроном мамандығын алып, оқуын аяқтады. Кейін БЛКЖО ОК жанындағы Жоғары комсомол мектебінде, Қазақстан Республикасы Президенті жанындағы Мемлекеттік басқару академиясында білім алып, 2001 жылы Қазақ мемлекеттік заң академиясын бітірген.

2001 жылы экономика ғылымдарының кандидаты ғылыми дәрежесін алу үшін кандидаттық диссертациясын сәтті қорғады.

Еңбек жолы

Еңбек жолын 1980 жылы Орал облысы, Чапаев ауданы «Чапаев» кеңшарында құрылысшы болып бастаған. Одан кейін агроном болып, Қазақстан комсомол ұйымында түрлі қызметтер атқарды. 1988-1990 жылдары — Қазақстан ЛКЖО Жымпиты аудандық комитетінің бірінші хатшысы, ал 1990-1997 жылдары Орал облыстық Қазақстан Жастар одағының хатшысы, идеологиялық бөлімінің меңгерушісі, Батыс Қазақстан облыстық Қазақстан Жастар одағының бірінші хатшысы болып істеді.

1997-1998 жылдары — Батыс Қазақстан облысының әкімдігінде бас инспектор және ұйымдастыру және кадр жұмысы бөлімі меңгерушісінің орынбасары лауазымдарында жұмыс істеді.

2000-2001 жылдары — Қазақстан Республикасы Қаржы министрлігінің ұйымдастыру және кадр жұмысы Департаментінің бөлім басшысы қызметін атқарды.

2001-2007 жылдары — Қазақстан Республикасы Премьер-Министрінің Кеңсесінде әртүрлі лауазымдарда болды.

2007-2016 жылдары — Қазақстан Республикасы Президентінің Әкімшілігінде түрлі лауазымдарда жұмыс істеп, оның ішінде мемлекеттік қадағалаушы және мемлекеттік бақылау бөлімі басшысының орынбасары қызметтерін атқарды.

2016-2017 жылдары — ҚР Ауыл шаруашылығы министрінің бірінші орынбасары болып істеді.

2017-2019 жылдары — «Қазақстан» РТРК Өңірлік даму жөніндегі басқарма төрағасының орынбасары міндетін атқарды.

2019-2021 жылдары — Батыс Қазақстан облысы әкімінің орынбасары лауазымында жұмыс істеді^[1].

2021-2023 жылдар аралығында ҚР Ақпарат және әлеуметтік даму министрлігі басқармасының басшысы^[2], ҚР Ақпарат және қоғамдық даму министрінің орынбасары қызметін атқарды^[3].

2023 жылғы 28 наурыздан бастап Қазақстан Республикасы Парламенті Мәжілісінің VIII сайланым депутаты. «Ауыл» партиясы ұсынған^[4]. Парламентте Аграрлық мәселелер комитетінің төрағасы болып жұмыс істейді^[5].

Марапаттары

«Астанаға 10 жыл» медалі (2008)
«Қазақстан халқы Ассамблеясына 20 жыл» медалі (2015)
«Қазақстан Конституциясына 20 жыл» медалі (2015)
«Құрмет» ордені (2015)
«Қазақстан Республикасының Тәуелсіздігіне 25 жыл» медалі (2016)
«Қазақстан Конституциясына 25 жыл» медалі (2020)
«Қазақстан Республикасының Тәуелсіздігіне 30 жыл» медалі (2021)
«Парасат» ордені (2022)

Дереккөздер

↑ БҚО әкімінде – қос бірдей жаңа орынбасар. «Білім айнасы» газеті (25 қыркүйек 2019). Тексерілді, 26 ақпан 2025.
↑ Ақпарат және қоғамдық даму министрлігінің аппарат басшысы тағайындалды. ERNUR.kz ақпараттық порталы (24 ақпан 2021). Тексерілді, 26 ақпан 2025.
↑ ҚР Ақпарат және қоғамдық даму вице-министрі тағайындалды. STAN.kz (4 мамыр 2021). Тексерілді, 26 ақпан 2025.
↑ Ауыл партиясынан кімдер депутат атанды. Дәстүр (28 наурыз 2023). Тексерілді, 26 ақпан 2025.
↑ Мәжіліс: Серік Егізбаев Аграрлық мәселелер комитетінің төрағасы болды. «Орталық Қазақстан» газеті (29 наурыз 2023). Тексерілді, 26 ақпан 2025.

[1] БҚО әкімінде – қос бірдей жаңа орынбасар. «Білім айнасы» газеті (25 қыркүйек 2019). Тексерілді, 26 ақпан 2025.

[2] Ақпарат және қоғамдық даму министрлігінің аппарат басшысы тағайындалды. ERNUR.kz ақпараттық порталы (24 ақпан 2021). Тексерілді, 26 ақпан 2025.

[3] ҚР Ақпарат және қоғамдық даму вице-министрі тағайындалды. STAN.kz (4 мамыр 2021). Тексерілді, 26 ақпан 2025.

[4] Ауыл партиясынан кімдер депутат атанды. Дәстүр (28 наурыз 2023). Тексерілді, 26 ақпан 2025.

[5] Мәжіліс: Серік Егізбаев Аграрлық мәселелер комитетінің төрағасы болды. «Орталық Қазақстан» газеті (29 наурыз 2023). Тексерілді, 26 ақпан 2025.

[1]

[2]

[3]

[4]

[5]