Серік Құрматайұлы Бұлғақбаев

Уикипедия — ашық энциклопедиясынан алынған мәлімет
Jump to navigation Jump to search

Серік Құрматайұлы Бұлғақбаев (Серик Булгакбаев) 1957 жылы 1 қаңтарда Жамбыл облысы Мойынқұм ауданының Кіші Қамқалы ауылында туған. Қазақ. КСРО Мемлекеттік академиялық Ленин орденді Кіші театры жанындағы М.С. Щепкин атындағы Мәскеу театр училищесінің актерлік факультетін бітірген (1978), театр және кино актері, режиссер.

Жалпы мәлімметтер[өңдеу]

1978 жылдан бері - Торғай облыстық қазақ музыкалық- драма театрының (қазір - С. Қожамқұлов атындағы Жезқазған қазақ музыкалық-драма театрында қызмет етуде) әртісі. Тұрар Рысқұлов, Ғалымжан, Жантық, Нарша, Хан, Абай, Көкжал қасқыр және К. Әбдірахманның «Кетбұға» (Кетбұға), К. Жұмабековтың «Әйел махаббаты» (Генерал), Ә. Таразидің «Күнә» (Сәрсен), Қ. Ахметовтың «Зов крови» (Роман), У. Шекспирдің «Гамлет» (Гамлет), М. Байғұттың «Ауған трагедиясы» (солдат Рахманның әкесі, 2009), және тағыда басқа рөлдерімен халықтың сүйіспеншілігіне бөленіп жүрген әртіс. Әртістің ерекше атап өтетін рөлі, әлемге танымал Гамлеттегі Гамлет рөлін сомдауы. Р Ыбыраеваның «Сиқырлы кітап» ертегісіндегі оның «Әке мысық» образы «Театр балалар көзімен» атты жыл сайынғы аймақтық байқауда «Үздік эпизодтың ер рөлі» сыйлығына ие болды (Қарағанды); Қазіргі уақытта Жезқазған музыкалық колледжінде жас актерлерге тәлімгер етіп қызмет етуде. Жас оқушылары: Исламбек Ғазиза, Кариева Аяжан, Файзиев Нұрлыхан және Қосаев Алмасхан. Серік Бұлғақбаевтың сахна ойынының ғана емес, қозғалыстарының шебері деп нық айтуға болады.

Діни көзқарасы - мұсылман. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазіргі уақытта Қазақстан бүкіл әлемге өзінің аяғына нық тұрғандығын дәлелдей алды. Демек келешекте де қазіргі саясатын жалғастыра отырып, Қазақстан мемлекет ретінде әлемнің аса қуатты елдерінің біріне айналады».

Хоббиі - теннис ойыны, ұстаздық ету Сүйіп оқитын әдебиеті - әлемдік және қазақ әдебиеті шығармалары

Үйленген. Жұбайы - Байдалина К. (1978 жылы туған), С. Қожамқұлов атындағы Жезқазған қазақ музыкалық-драма театрының актері. Ұлы - Бұлғақбаев Нарша Серікұлы (1999 жылы туған).[1]

Сын[өңдеу]

Жанат Хаджиев Қазақстанның еңбек сіңірген қайраткері, «Тарлан» сыйлығының лауреаты:

«Серік Бұлғақбаев - өзіне тән қолтаңбасы бар, ешкімді, тіпті өзін де қайталамайтын артист. Осы бір талантты, жанкешті артист туралы ұзақ әңгімелеуге болады...»

Театртанушы М. Жақсылықова «Ай тұтылған түн» спектакліндегі Дәруіш бейнесі жайлы:

«С. Бұлғақбаев жасаған Дәруіш бейнесі арам пиғылын жан дүниесіне тереңірек жасыра білген, діндарлығы мен ділмарлығы қатар жүретін, «қой терісін жамылған қасқырдың» нақ өзіндей. Актердің отты жанары, асықпай басып, аңдап сөйлейтін қимыл-әрекеттері аса нанымды. Режиссер мен автор идеясын қуаттандырған С. Бұлғақбаев сомдаған Дәруіш бейнесі өміршеңдігімен есте қалды»

. . .

... Жас жүрегін жайды арман-саусағын, Алу үшін терең білім кәусарын. Жарқырады Москваның шамдары, Актерліктен тапты бар аңсары.

Қандай жақсы бақтың өсіп жанған, Өршіл жүрек қыран болып самғады. Щепкиндіктер салған дара жолмен ен, Әлі есінде Арқалыққа барғаны.

Өмірдегі көңілдегі тәтті есім, Тимур болып еске алды әпкесін. Тұрар болып Сталинмен айқасты, Артист болып арқаланып кеткесін.

Қарабайға болғаннан соң мал қайғы, Жантық болып оған жақын жантайды. Қалың елі қазағының қамын жеп, Сахнада Абай болып қартайды.

Бас бапкері Хаджиевті қақсатып, Хан да болды Шал да болды шақша атып. Қаракөзін қимай сері Сырымға, Жүрегіне жүрді талай тас батып.

Енді Жанат қандай рөл ұсынбақ, Жиырма бесі қайта оралмайды қылшылдап. Бірақ, бірақ біздің Серік жас әлі, Сұлу көрсе баяғыдай сыршыл-ақ.

Жарқын күнге жарқын жүзбен тіл қатқан, Жүрегіне елдің сыйы - гүл таққа. Сахнаның қыраны ғой бұл Серік, Өз бақытын театрдан шын тапқан!

Ибраһим - Мәкеш (2007)

Марапаттары[өңдеу]

  • Қазақстанның еңбек сіңірген әртісі (1992).
  • Хан образы 2000 жылғы республикалық театр байқауында «Ең үздік ер рөлі үшін» номинациясында жеңіске ие болды.
  • «Әке мысық» образы «Сиқырлы кітап» қойылымында «Үздік эпизодтың ер рөлі» сыйлығына ие болды (Қарағанды)
  • «Алтын қобыз» атты Қарағанды облысы әкімі сыйлығына ие болып “Жыл Актёрі” атанды. (2010)
  • «Мәдениет шамшырағы»
  • «Мәдениет саласының үздігі» (2012)
  • «Үкілі қобыз» (2017)
  • «ЖЫЛ АРТИСІ» (2017)

Дереккөздер[өңдеу]

  1. Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2