Сибағат (Сиғуатолла) Мәкәрімұлы
Сибағат (төл есiмi Сиғуатолла) Мәкәрiмұлы — 1888 жылы бұрынғы Бөкей Ордасы, қазiргi Атырау облысы, Құрманғазы ауданы, Үштаған ауылында дүниеге келiп, сол жерде 1976 жылы дүниеден озған. Қазақтың дiни ағартушысы. Шыққан тегі Кіші жүз, Байұлы, Алаша руы. Әкесi Мәкәрiм Мұсылманұлы есiмi ел арасында медресе ашып, дiни және емшiлiк қызметiмен кең таралған. 1916 жылдары Меккеге 2-шi мәрте қажылық сапарына аттанып, сол жерде дүние салған. Сибағат Мәкәрiмұлы 20-шы ғасырдың басында Уфа қаласындағы әйгiлi "Ғалия" оқу орнын тәмамдап, Стамбул, Қазан, Астрахан шаһарларында дiни және медицина бағытында iлiм алған. 1918 жылдардан бастап елге оралып медресе ашып, медицина және ағартушылық бағытта қызмет еткен. Сибағат Мәкәрiмұлының тылсым күштерi және көрiпкелдiк қасиеттерi мен терең дiни iлiмнiң ие болуына байланысты ел арасында оны Сибағат Әулие деп атап кеткен. Халық жадында Сибағат Әулие сопылық дәрежедегi қарапайымдылығы мен жұпыны өмiрi, көптеген шипагерлiк қасиеттерi мен ағартушылық жұмыстары жақсы сақталған. 1975 жылы Ботахан ауылында халық ақыны Әбу Сәрсенбаев пен Сибағат Мәкәрiмұлы арасында қоғамдық, әлеуметтiк, рухани сұрақтарды қамтыған үлкен сұхбат болып, оған көптеген ауыл халқы қатысқан.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
