Сивапитек

Сивапитек (Sivapithecus; табылған жеріне байланысты және грек. Pithekos – маймыл) – адам тәрізді маймылдардың қазбадан табылған туысы. Жоғарғы және төменгі жақ сүйектері, тістері Азияда (Гималайдағы Сивалик тауы) және Шығ. Африкада миоцен шөгінділерінен табылған. Сивапитектің жақ сүйегі биік, салмақты келген, тіс құрылысында адам тісіне ұқсастық байқалады. Мыс., алдыңғы азу тістерінің беті екі бұдырлы және үлкен емес, ал артқы азу тістері жалпақ. Бұны – мен қатар адам тәрізді маймылдар тісіне де ұқсас белгілері (ит тістері ірі) болған. Сивапитектердің адам тәрізді маймылдар эволюциясын тануда үлкен маңызы бар. Сивопитектер дриопитектермен қатар орангутанның тегі деп саналады