Сизухин Иван Семенович

Сизухин Иван Семенович (17. 4. 1884, Ақмола обл., Көкшетау у., Ақан-Бұрлық ст.,–14. 11. 1938) – Қазақстанда Совет өкіметін орнатуға белсене қатысушы. 1917 жылдан Компартия мүшесі. 1905–06 және 1914–17 ж. патша әскері қатарында болып, армиядағы рев. қозғалысқа қатысты. Февр. революциясынан кейін полк комитетінің мүшесі болды. 1917 ж. Верныйға келіп, жергілікті большевиктермен бірге Совет өкіметін орнатуға қатысты. С. 2–3 казак полктері мен қала халқы арасында рев. үгіт-насихат жұмыстарын жүргізді. 1918 ж. Верный қ-ндағы әскери-рев. комитетінің құрамына кірді. 1918 жылдың көктемінде ақ казактар бүлігін басуға қатысты. 1919 ж. обл. еңбек және әлеуметтік қамсыздандыру комиссары. Сол жылы Қызыл комиссарлары мектебін бітіріп, рота, батальон, полк, кейін Солт. Жетісу және Ферғана майданадарына бригада командирі болды. 1923 ж. Әскери қызметтен босады. 1924 жылдан совет, шаруашылық қызметтерін атқарды.