Симов Виктор Андреевич

Симов Виктор Андреевич (14. 4. 1858, Москва, – 21. 8. 1935, сонда) – орыс совет театр суретшісі, РКФСР-дің еңбек сің. өнер қайраткері (1932). 1882 ж. Москваның кескіндеме, мүсін және сәулет өнері уч-щесін (В. Г. Перов, И. М. Прянишников, А. К. Саврасов шеберханасынан) бітірді. 1885–86 ж. Москвадағы С. И. Мамонтовтың және меншік орыс операсында, 1898–1912 ж. Және 1925–35 ж. МХАТ-та суретші болды. МХАТ-та қойылған 51 спектакльдің декорация эскизін жасады, оның ішінде: А. К. Толстойдың «Патша Федор Иоанновичы» (1898), У. Шекспирдің «Юлий Цезарь» (1903), А. П. Чеховтың «Шағала» (1898), «Ваня ағай» (1899), «Апалы-сіңілі үшеуі» (1901) мен «Ивановы» (1904), М. Горькийдің «Тоғышарлар» мен «Шыңырау түбіндесі» (екеуі де 1902), Л. Н. Толстойдың «Тірі өлігі» (1911), В. В. Ивановтың «Бронепоезд 14–69-ы» (1927), Н. В. Гогольдің «Өлі жандары» (1932); Свободный және Кіші театр, Москвадағы К. С. Станиславский атынд. театр мен опера студиясында қойылған спектальдерді және «Колледж тіркеушісі» фильмін (1925) көркемдеді.