Синофобия

Синофобия (лат. Sinae – Қытай және көне грек φόβος – қорқыныш, үрей) — Қытайға, қытайлықтарға және қытаймен байланысты барлық заттарға төзімсіздік. Синофобия Қытаймен шектес елдердің барлығында, әсіресе оңтүстік-шығыс Азияда кеңінен тараған.

Синофобия негізінен Қытайдан тыс тұратын қытай диаспораларына қатысты болады және Қытаймен шектес елдердегі иммиграция, ұлттық өзін-өзі тану мәселелерімен, әр түрлі елдердегі байлықтардың сәйкес келмеуімен, қоғамдағы қарым-қатынастардың бұрынғы құндылықтар жүйесінің бұзылуына байланысты ушыға түсуде. Синофобия себептеріне Қытайдың коммунистік билігін қабылдамау, тарихи өкпелер, экономикалық бәсекелестік қорқынышы және расизм жатады. Сонымен қатар синофобия жапондық ұлтшылдық, корейлік ұлтшылдық, үндістандық ұлтшылдық және вьетнамдық ұлтшылдық сияқты бұрынғы этникалық тенденциялардан туындайды.