Сино-тибет тауы
Навигацияға өту
Іздеуге өту
Сино-тибет тауы, Cычуань Альпісі – Қытайдағы тау жүйесі. Ұзындығы 750 км, ені 400 км. Биіктігі 7590 метрге дейін (Гунгашань тауы). Салуин, Меконг және Янцзы өзендерінің тар, терең (тереңдігі кейбір жерлерде 3000 метрге жетеді) аңғарлармен бөлінген бірнеше жоталардан тұрады. Негізінен метаморфтық жыныстардан және палеозойдың шөгінді жыныстарынан түзілген. Жоғарғы белдеуінде (4000 метрден жоғары) альпі даласы, 2000–4000 метр аралығын қылқанды (негізінен самырсын, шырша) және аралас орман алып жатыр. Алтын, темір, никель, мыс, сурьма, полиметалл кендері шоғырланған. Сикан-Тибет және Чэнду-Куньмин тас жолдары кесіп өтеді.[1]
Дереккөздер[өңдеу | қайнарын өңдеу]
- ↑ Қазақ совет энциклопедиясы 1976 жыл. / М.Қ.Қаратаев