Сирету

Сирету. Барлау торабының ең ұтымды тығыздығын анықтау тәсілдерінің бірі. Барлау торабын әдейі өте тығыз етіп алғандағы нәтижені және осы торапты екі есе, үш есе, төрт есе т.с.с. сиретуден кейінгі нәтижелерді бір-бірімен салыстыру негізінде нақтылы кенорынның нақтылы параметрінің (мәселен, кен кіріккен қойнауқат қалыңдығының) орташа мөлшері анықталатын болады. Кенорын параметрінің осы мөлшері тұрғысынан сол кенорынды ең тиімді барлаудың ең оңтайлы торабы тығыздығы ретінде барлау тораптарын түгел қанағаттандыратын ең сирек тығыздық алынады. Осылайша анықталған барлау торабының ең ұтымды тығыздығы кенорын ауқымының көршілес қанатын немесе өзге де ұқсас кенорындар алабын барлау барысында қолданылатын болады.