Сириус Блэк

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Есімі Жынысы Қанының тазалығы Факультеті Патронусы Фильмдегі рөлі
Си́риус Блэк (ағылш. Sirius Black) Ер таза Гриффиндор ит Гэри Олдмен

Си́риус Блэк (ағылш. Sirius Black) — Феникс Орденінің мүшесі, Джеймс Поттердің жақын досы және Гарри Поттердің кіндік әкесі. Сонымен қатар, оның анимагтық пішініне байланысты Сириус Блэктің лақап аты Кезбе болған (ағылш. Padfoot).

Сириус 16 жасында ата-аналарын қалдырып, Поттерлардың үйіне көшті. Себебі, Сириустың ата-анасымен қарым-қатынасы нашар болған. Джеймстан басқа ол Римус Люпин және Питер Петтигрюмен дос болған. Сириус пен Джеймстің оқу үлгерімі жақсы болғандықтан, олар анимагияны зерттеуге көп уақыт бөлген.

Поттерларға қауіп төнгенін біліп, ол өзін сыр сақтаушы ретінде ұсынды, бірақ Джеймс Питер Петтигрюді сыр сақтаушы қылды. Себебі, Волан-де-Морт Сириустың сыр сақтаушы екенін бірден біліп қояр еді. Волан-де-Морт Поттерларды тауып, өлтіргеннен кейін, Сириус бірден Поттерлардың үйіне барды. Сириус баланы өзінің бақылауына алғысы келді, бірақ Дамблдордың бұйрығы бойынша Гарри Дурслдерге жеткізілді. Сол кезде Сириус сатқын Петтигрюді іздеуге кетті.

Тез арада Сириус Лондонның бір маглдық көшесінде Петтигрюді қолына түсірді. Осы жерде екеуінің шайқасы өтті. Петтигрю халықтын көз алдында Сириус Поттерларды сатты деп, оны айыптады. Ол құлақ тұндыратын жарылыс жасап, егеуқұйрыққа айналып, өзінен кейін саусағын ғана қалдырып қашып кетті. Сол кезде сиқырлы қауым Блэкты айыптап, қамауға алды.

Азкабан түрмесінде 12 жыл қамауда өткізіп, бір кезде Сириус қашып кетті. Гарри Поттер кітаптарының үшінші томында ол Петтигрюдің егеуқұйрыққа айналып, Хогвартс мектебінде жасырынып жүргенін біледі. Гарри, Рон және Гермиона Сириус туралы шындықты біліп, оған Хогвартстан қашуға көмектеседі. Одан кейін Блэк сиқыр министірлігінің байқауына алынды. Оған қарамастан Сириус Гарримен қарама-қатынасын үзген жоқ.

Гарри Поттер кітаптарының бесінші томында, Сириус Феникс Орденінің штаб-квартирасы ретінде тандалған анасының үйінде тұрды. Құпиялар бөліміндегі өткен шайқаста Беллатриса Лестрейнджтің қолынан қаза табады.

Дереккөздер[өңдеу]