Сицилия (арал)

Сицилия итал. Sicilia, Үлгі:Lang-scn
Ғарыштан көрінісі
Сипаттамасы
Ауданы	25 460 км²
Ең биік нүктесі	3340 м
Тұрғындар (2011 жыл)	5 015 569 адам
Халық тығыздығы	196,998 адам/км²
Орналасуы
37°34′00″ с. е. 14°16′00″ ш. б.37.56667° с. е. 14.26667° ш. б. / 37.56667; 14.26667
Акватория	Жерорта теңізі
Ел	Италия
Аймақ	Сицилия
Сицилия
Сицилия Ортаққорда

Сицилия (итал. Sіcіlіa) — Жерорта теңізіндегі ең үлкен арал. 9 провинциядан тұратын Италияның әкімшілік облысы. Сицилия аралы Апеннин түбегінен жіңішке (енсіз жері 3,5 км) Мессина бұғазы арқылы бөлінген. Аумағы 25,7 мың км². Тұрғыны 5 млн. адам (2000). Жер бедері таулы-төбелі. Солтүстік жағалауын бойлай кристалды тақта тас, әк тастардан тұратын тау жоталары (Пелоритан, Неброди, Ле-Мадоние таулары) алып жатыр. Шығысында Еуропадағы ең биік әрекетті жанартау — Этна (3340 м) орналасқан. Шығыс және батыс жағалауларын аккумулятты жазықтары алып жатыр. Жиі жер сілкінулер болып тұрады. Күкірттің, мұнайдың, газдың кен орындары бар. Климаты субтропиктік жерортатеңіздік. Қаңтардың орташа температурасырасы жағалық бөлігінде 11 — 12^oС, таулы аудандарда 4 — 8^oС, шілдеде жағалауда 27 — 28^oС, тауда 20 — 24^oС. Жылдық жауын-шашынның орташа мөлшері жазықта 400 — 600 мм, таулы бөлігінде 1200 — 1400 мм. Жазық бөлігінде жерортатеңіздік бұталар — маквис, гариг және дала өсімдіктері өседі. Өзен аңғарлары мен жазық жерлерде субтропиктік дақылдар, жүзімдіктер, бау-бақша өсіріледі. Ірі қалалары: әкімшілік орталық және ірі порт — Палермо, Мессина, Катания.