Сиырды суалту

Сиырды суалту - сиырды саууды тоқтату. Буаздығының соңғы 1,5-2 айында cиырды суалту туар алдындағы іштегі төлдің қалыпты өсіп-дамуын және алдыңғы сауымда он ай сауылған сиыр организмі демалып, дене қорын толықтырып, келесі сауымға дайындау мақсатымен беріледі. Сауым маусымының соңғы кезеңінде төмендей бастайтын сиырдың тәуліктік сауынын азықтандырудың жалпы қоректілік деңгейін сақтай отырып, оның кұрылымындағы шырыңды азық пен жемнің орнына ірі аумақты жемшөп көлемін молайту және де азықтандыру мен суару тәртібін, яғни сиырдың қалыптасқан динамикалык стереотипін бұзуды сауу жиілігін кемітумен ұштастыра отырып, сиырдың тәуліктік сауынын 3-4 кг-ға дейін азайтып, содан соң күнара сауып барып суалтады. Сонда ғана суалтылған сиыр желіні сыздап, ісікке-маститке шалдықпайды.