Сиыр бөкендер

Уикипедия — ашық энциклопедиясынан алынған мәлімет
Jump to navigation Jump to search

Сиыр бөкендер, бубал (лат. Alcelaphus) – қуысмүйізділер тұқымдасына жататын бөкендердің бір туысы. Бөксесіне қарағанда шоқтығы едәуір биік (110-130 см шоқтығынан), текесінің де, ешкісінің де мүйізі бар, түсі қызғылт қоңыр, басы мен аяқтары кейде күңгірт дақты. Африканың, аздап Арабияның саванна, шөлейт аймақтарында ормансыз, бұталы жазық не адырлы жерлерінде таралған. Бөкен, гну және блесбок туыстарымен бірге жеке Alcelaphinae тұқым тармағын құрады. 8 (кейбір деректерде 6) түрі бар. Кәдімгі сиыр бөкендер немесе кәдімгі бубал, конгони - дене тұрқы қашардай , жылқыдан жүйрік, тіршілік жағдайына көнбісті, шөлге төзімді жануар. 8 айдай көтеріп жалқы лақ туады. Африканың басқа тұяқты жануарларына қарағанда еті дәмдірек, терісі пайдаланылады.

Қолданылған әдебиет[өңдеу]

Қазақ Совет энциклопедиясы, 1976 жыл, Алматы,10 том, 180 бет