Скалковская Нина (Нина Платонова)

Уикипедия — ашық энциклопедиясынан алынған мәлімет
Навигацияға өту Іздеуге өту

Скалковская Нина (Нина Платонова)1927 жылы 11 қыркүйекте Солтүстік Қазақстан облысының Явленко селосында туған.[1]. 1950 жылы Қазақ мемлекеттік университетінің журналистика факультетін бітіреді. Мектепте мұғалім, "Жазушы" баспасында аға редактор, Абай атындағы Қазақ педагогикалық институтында доцент қызметтерін атқарған. Педагогика ғылымдарының кандидаты. Шығармашылықпен студент кезден айналысты. "Литература Казахстана" алманағында, "Советский Казахстан" журналында Көптеген очерктері, рецензиялары, мақалалары жарияланды.

1957—1958 жылдары Абайдың, Жамбылдың, Ш.Уәлихановтың, І.Жансүгіровтің, Б.Майлиннің, С.Сейфуллиннің, С.Торайғыровтын өмірі мен шығармашылығы жөніндегі очерктері жеке-жеке кітап болып шықты.

І.Есенберлин, Т.Ахтанов, Қ.Жумаділов, М.Мағауин, Б.Аманшин, М.Хамраев шығармаларын, Б.Кенжебаевтын "Султанмахмут Торайғыров" монографиясын, "Ұйғыр сықақтарын", Қазақстан жас жазушыларының "Прощаться не хочу" (1970) повестер мен әңгімелер жинағын, "Қазақ Халық ертегілерін" (2 томдык, 1963), "Қазақстандық Совет Одағынын батырларын" (2 том) аударды.

Аударма кітаптары бірнеше дүркін Москеуде "Художественная литература", "Советский писатель" баспаларынан қайта басылып шыкты."1941-1945 жж Ұлы Отан соғысындағы қажырлы еңбегі үшін", "Ұлы Отан Соғысы ардагері" медальдарымен марапатталған.

Дереккөздер[өңдеу | қайнарын өңдеу]

  1. "Қазақстан баспагерлері мен полиграфистері", Анықтамалық,"Білім" баспасы, Алматы, 2005 ж., ISBN 9965-09-134-Х1981-89