Скотт Едкинс

Уикипедия — ашық энциклопедиясынан алынған мәлімет
Jump to navigation Jump to search
Скотт Едкинс
Scott Adkins
Сурет
Жалпы мағлұмат
Туған кездегі есімі

Scott Adkins

Туған күні

17 мамыр 1976 (1976-05-17) (44 жас)

Туған жері

 Англия, Саттон Колдфилд

Азаматтығы

 Ұлыбритания

Мамандығы

актер

Белсенді жылдары

1998 – қазіргі уақыт

Бағыты

жекпе-жек жанрындағы фильмдер, атыс-шабыс

IMDb

ID 0012078

scottadkins.com

Скот Едкинс (ағылш. Scott Adkins) — жекпе-жек өнері жанрндағы ағылшындық актер. Өзінің «Талассыз» фильмдер сериясындағы және «Жанқиярлар 2» фильміндегі рөлдерімен танымал.

Биографиясы[өңдеу]

Скотт Едкинс 1976 жылы 17 маусымда Саттон Колдфилд қаласында, бірнеше ұрпағы қасапшы болған отбасында дүниеге келген. Ол ағасы Крейгпен бірге, Джон мен Джанет Эдкинстың орта шаруалы отбасында тәрбиеленген. Скот Епископ Вессей атындағы Саттон Колдфилдтегі орта мектепте оқиды. Ол мектепте үлгілі оқушылар қатарынан емес болатын. Өзі жайында ол былай деген: «түнде ата-анам ұйықтаған кезде, мен баспалдақпен төмен түсіп, түні бойы фильмдер көретін едім, ал сабақта қалғып отыратынмын». Бала кезінен Скот әртүрлі спорт түрлерімен айналысқан, бірақ ол 10 жасқа толғанда әкесі оны ағасымен бірге жергілікті дзюдо мектебіне жібереді. Скот жекпе-жек «ауруына» шалдығады. «Жекпе-жек өнері менің ой-санамды жаулады! Ол менің өмір бойы іздеген дүнием еді» деген екен бір сұхбатында. Ол Брюс Ли сияқты жекпе-жек шеберлеріне еліктеп өсті. Скотт кейіннен Голливудке қызыға бастады. Ол Саттон Колдфилдтегі колледж драма сыныбына жазылады. Өзі ұялшақ жігіт болса да, Скотт көрермен алдына керемет қиындықпен шығып жүрді. «Мен оны жасағым келетінін білетінмін, бірақ ол мен үшін тозақтан бетер қорқынышты еді». Әйтеуір, 21 жасында, Скоттқа Веббер Дугластағы беделді Өнер Драма Академиясынан орын ұсынылады. [1]Алайда, ол кедей студент болғандықтан, оқуын аяқтай алмай кетуге мәжбүр болады. Ол өте жабығып, барлығы бітті деп ойлады.

Дереккөздер[өңдеу]

  1. Scott Adkins And Wu Jing In First SPECIAL FORCE: WOLF WARRIOR Teaser. Twitch Film (25 шілде 2014). Тексерілді, 7 тамыз 2014.