Созақ ауылдық округі

Уикипедия — ашық энциклопедиясынан алынған мәлімет
Jump to navigation Jump to search
Қазақстан ауылдық округі
Созақ ауылдық округі
Облысы

Түркістан облысы

Ауданы

Созақ ауданы

Округ орталығы

Созақ

Енеді

5 ауыл

Тұрғыны (2009)

8393

Уақыт белдеуі

UTC+6:00

Автомобиль коды

13

Созақ ауылдық округіТүркістан облысы Созақ ауданындағы әкімшілік бірлік.

Әкімшілік құрамы[өңдеу | қайнарын өңдеу]

Құрамына Созақ, Көктөбе, Қақпансор, Шақырық, Ыбырай Жәукебаев ауылдары кіреді. Орталығы – Созақ ауылы.[1]

Жерінің аумағы 41,0 мың километр шаршы шақырым.

Халқы[өңдеу | қайнарын өңдеу]

2009 жылғы санақ қорытындысы бойынша округтегі халық саны 8393 адамды құрады.[2]

Ауыл бөлімшелері[өңдеу | қайнарын өңдеу]

Ауыл әкімдігінде төрт орта мектеп, бір кәсіптік лицей, бір бастауыш мектеп, бір емхана, үш ФАП, бір балабақша, бір ауылдық клуб, екі кітапхана, Қазпошта бөлімшесі, телестанция бар.

Шаруа қожалықтары[өңдеу | қайнарын өңдеу]

Созақ ауыл әкімдігінде соңғы жылдары Б. Абдраманов шаруа қожалығы “Көкалаң” шаруа қожалығы, “Мажен” шаруа қожалығы, “Созақ” өндірістік копперативі, “Ақниет” жауапкершілігі шектеулі серіктестігі, “Жайлау” шаруа қожалығы жоғары жетістікке жетіп жүр.

Ауыл әкімшілігі колхоздары[өңдеу | қайнарын өңдеу]

Созақ ауыл әкімшілігі аумағында орналасқан бұрынғы колхоздар: “Талапты” колхозы, “Киров” колхозы, “Молотов” колхозы, “Куйбышов” колхозы, “Суындық” колхозы. Колхоз басшылары: Матенбаев Сүлеймен, Тұяқов Абдіқайым, Ниязбеков Пәрім, Ерімбетов Тоқабай.

Ауылдық кеңес төрағалары[өңдеу | қайнарын өңдеу]

Созақ ауылдық кеңесі төрағалары болып Кенжетаев Қорғанбек (1931-1933 жылдары), Сүндетуллаев Тасқожа (1933-1937 жылдары), Қойшыбаев Жүніс (1937-1939 жылдары), Төребеков Шайықбек (1939-1945 жылдары), Қойшыбаев Жүніс (1945-1948 жылдары), Атенов Мелдебек (1948-1957 жылдары) қызмет атқарды. Қызыл ту ауылдық кеңесі төрағалары болып Жұманбаев Жаманқара (1932-1941 жылдары), Рахметов Борсабай (1941-1943 жылдары), Ерімбетов Тоқабай (1943-1946 жылдары), Сыздықова Балымшекер (1946-1948 жылдары), Мизанбаева Адиша (1948-1952 жылдары) қызмет атқарды.

Ауылдық кеңес төрағалары болып Атенов Мелдебек (1957-1961 жылдары), Сүлейменов Аман (1961-1965 жылдары), Қаржаубаев Жамбыл (1965-1970 жылдары), Әзібаев Рахметбай (1970-1975 жылдары), Сағындықов Колхоз (1975-1977 жылдары), Бөрғазиев Көштен (1977-1985 жылдары), Сағындықов Колхоз (1985-1992 жылдары), Бөрғазиев Көштен (1992-1996 жылдары) қызмет атқарды. Ауыл әкімдері болып Аймурзаев Аманғали (1996-1999 жылдары) қызмет атқарды. 1999 жылдан бері Әбдіраманов Рысбай ауыл әкімі болып келеді.

Кеңшар директорлары[өңдеу | қайнарын өңдеу]

1957 жылы Созақ кеңшары құрылды. Кеңшар директорлары Көшкінов Қаратай (1957-1958 жылдары), Ахметчеев Қисмахан (1958-1967 жылдары), Абдраманов Балтабай (1967-1988 жылдары), Алпамысов Байқоныс (1988-1996 жылдары) болды.[3]

Дереккөздер[өңдеу | қайнарын өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, Х том.
  2. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том
  3. Шолаққорған-2008 кітабі. “ЖЕБЕ” баспа үйі 2008 жыл.