Соломон Исаакович Колтон

Уикипедия — ашық энциклопедиясынан алынған мәлімет
Jump to navigation Jump to search
С.Колтон "Мазепа" операсындагы Мазепа ролінде

Соломон Исаакович Колтон (15.3.1908, Украина, Днепропетровск қаласы – 20.9. 1979, Одесса) – әнші, Қазақстанның халық артісі (1944).

Өмірбаяны[өңдеу]

1927 – 30 ж. Днепропетровскінің музыкалық техникумында оқыды. Днепропетровскінің (1931 – 34), Луганскінің (1934 – 36), Горькийдің (1936 – 38) және Одессаның (1949 – 66) опера театрларында әнші болып қызмет атқарды. 1938 – 49 ж. Алматыда тұрып, Қазақ опера және балет театрының сахнасында Игорьдің (А.П. Бородин, “Князь Игорь”), Онегин мен Мазепаның (П.И. Чайковский, “Евгений Онегин”, “Мазепа”), Грязнойдың (Н.А. Римский-Корсаков, “Патша қалыңдығы”), Риголетто (Дж.Верди “Риголетто”) партияларын орындады, әрі Дж.Пуччинидің “Тоска” (1946; өзі Скарпияның партиясын орындады), Вердидің “Аида” (1948) опералық спектакльдерін қойды. Бұдан басқа орындаған партиялары қатарында Микола (Н.В. Лысенконың “Наталка – Полтавкасында”), Качура (О.С. Чишконың “Потемкин бронды кемесінде”), Демон (А.Г. Рубинштейннің осы аттас операсында), Макбет (КСРО-да осы партияның бірінші орындаушысы, 1959), Яго (Вердидің “Макбет” пен “Отеллосында”), т.б. бар. 1950 жылдан Одессаның музыкалық мектебінде педогогикалық қызметпен шұғылданды. 1975 жылдан өмірінің соңына дейін Одессадағы офицерлер үйінің опера студиясына жетекшілік еткен.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8