Сом (ауру)

Уикипедия — ашық энциклопедиясынан алынған мәлімет
Навигацияға өту Іздеуге өту

Сом(ауру)- тері мен тері шелінің қабынып ісіп ауыруы.

Ауруды қоздырғыштар[өңдеу | қайнарын өңдеу]

Аурудың қоздырғышы- стафилококк немесе стафилострептококк инфекциясы. Бұл қоздырғыштар тері түгінің фолликуласы арқылы өтеді де, теріні қатты қабындырады. Сомның пайда болуына көбіне гиповитаминоз, организмнің жалпы аурулы күйі, зат алмасуының бұзылуы (арықтау, диабет) әсер етеді.

Сом белгілері[өңдеу | қайнарын өңдеу]

Сом көбіне желкеден, беттен , арқадан шығады. Бетке шыққан сом өте қауіпті, өйткені оның зардабы миға шабуы мүмкін. Сом шыққанда алғашында терінің ауырған жері қатайып қызарады, ортасы көгеріп, сарғыштанып, өзегі көрініп тұрады. Ісік бірте-бірте ұлғайып, дене температурасы 38-40° с-қа жетеді, іріңдеп жарылады. Дер кезінде емделсе, аурудың беті біртіндеп қайтып, орны тыртықтанып бітеді. Сом асқынса ісік ұлғаяды, іріңі организмге жайылып, оны уландырады, без шошиды, жүрек соғуы күшейеді, ісік сыздап қатты ауырып, өте мазасыздандырады. Асқынудан лимфаденит, тромбофлебит, сепсис,иенингит ауруларына шалдықтыруы мүмкін.

Емі[өңдеу | қайнарын өңдеу]

Хирургиялық операция, антибиотиктер пайдалану, рентген сәулесімен емдеу.

Қолданылған әдебиет[өңдеу | қайнарын өңдеу]

Қазақ Совет энциклопедиясы, 1976 жыл, Алматы,10 том, 343 бет